నీ జీవన సహచరినై...

పరుగులెత్తీ ప్రవహించీ సముద్రంలో కలిసిన నదిలా
ఎగిరి ఎగిరి అలసి సంజవేళ గూటికి చేరిన గువ్వలా
వేసవి వేడి తాళలేక చెట్టు నీడని ఆశ్రయించిన బాటసారిలా
నిను చేరాను నేను, సహచర్యం కోరుతూ ..
నీ కౌగిలిలొ కరిగిపోయానో ....నీ గుండెలో వొదిగి పోయానో ...!!
నీ దరిలో దిగులంతా దూరమై,
కలలే కమనీయమై
తనువంతా హరిచందనమై
మనసే పునీతమై ..
కలిసి నడుస్తున్నాను నీతో ...
ప్రతి అడుగూ పరవశాన ..
నీ కన్నుల వెన్నెలనై
నిను అల్లిన మాలతినై
నీ జీవన సహచరినై ...!!!